Menu

Borebroeloft Site

Dees website

Dees website ... :

is 'n brouwsel van Homepagedesign.nl , 'ne oet de handj geloupe hobby van de borebroeloftbörgemeister van 2009 in Baoksem. De site is gebouwdj in 't freeware beheersysteem CMSMadeSimple. De layout is gebaseerdj op 'ne gratis sjabloon. In plat-Baoksems: legale plagiaat.  ;-)

Volgorde aansjpreke:

Misjien vèltj 't uch op det bie 't boregezelsjap altied de hieëre as ieërste waere geneumdj. Det liektj neet erg charmant nao de dames toe, mer 't is 'n traditie die de borebroelofte höbbe äövergenaome van 't vreugere borelaeve. De boer is leidendj en de boerin volgtj (goje aoje tied).

Gebroekdje sjriefwieze:

De sjriefwieze op dees site zal sommige baoksemmers 'n bietje vraemdj väörkome.
D'r is gekaoze väör de universeel sjriefwieze volges 't handvest van de wèrkgroep "Veldeke" oet 2003. 
Mèt dees sjriefwieze waerdj geine universele limburgse oetsjpraok  naogesjtreeftj, det is namelijk ónmäögelijk met al die subdialecte. Waal waere alle geliekluidendje klanke op dezelfdje meneer opgesjraeve.
Misjien is 't efkes winne, mèr oeteindelijk is det 't meist dudelijk.

Klik hiej óm de handjleiding te downloade